سید امین الحق کا میڈیکل کالج ایڈمیشن ٹیسٹ
سابق وفاقی وزیر و رکن رابطہ کمیٹی سید امین الحق کا میڈیکل کالج ایڈمیشن ٹیسٹ کے پیپر لیک ہونے پر تشویش کا اظہار
کراچی، 18 ستمبر 2023
سابق وفاقی وزیر و رکن رابطہ کمیٹی سید امین الحق نے ایم ڈی کیٹ ٹیسٹ پیپر لیک ہونے پر تشویش کا اظہار کرتے ہوئے اپنے بیان میں کہا کہ میڈیکل کالج کے داخلوں میں ہونے والی بد انتظامی ناقابل برداشت ہے، امتحانات کے دوران شدید بدانتظامی کی بھی شکایات موصول ہوئی ہیں اور پیپر لیک ہونے سے ہونہار طالب علموں کی حوصلہ شکنی ہوئی ہے، انکا کہنا تھا کہ ہم طلبہ کو تنہا نہیں چھوڑیں گے اور انکو انصاف دلانے کے لئے ہر قانونی راستہ اختیار کریں گے کیونکہ گزشتہ تین سالوں سے میڈیکل کے طلبہ کے ساتھ زیادتیوں کا سلسلہ جاری ہے جسے بند ہونا چاہئے، انہوں نے مطالبہ کیا کہ ایم ڈی کیٹ کے امتحانات کو فوری کالعدم قرار دیکر ٹیسٹ کی نئی تاریخ کا اعلان کیا جائے۔
***
