پختون , بلوچ عمائدین کی ایم کیو ایم میں شمولیت

کراچی ساری زبانیں بولنے والوں کا شہر ہے، سید مصطفی کمال 

شہری سندھ کے تمام مظلوموں کو ساتھ مل کر سیاسی جدوجہد کرنا ہوگی، سید مصطفی کمال

 پیپلز پارٹی کی 15 سالہ بدترین حکمرانی میں کراچی دنیا کے چار بدترین شہروں شامل ہوگیا ہے، سید مصطفی کمال

آج بھی بچے گٹر میں گر کر مر رہے ہیں، شہر کی گلیوں اور سڑکوں پر ڈاکو راج قائم ہے،سید مصطفیٰ کمال

دنیا چاند پر جارہے ہیں اور ہم پینے کے پانی تک سے محروم ہیں،سید مصطفیٰ کمال

آخری ترقیاتی کام ہمارے دور نظامت میں ہی ہوئے ہیں جن سے کراچی کا نقشہ بدل گیا تھا،سید مصطفیٰ کمال

فیڈرل بی ایریا ٹاؤن میں پختون اور بلوچ عمائدین کی ایم کیو ایم پاکستان میں شمولیت کے موقع سینئر ڈپٹی کنوینر سید مصطفیٰ کمال کا خطاب

کراچی ۔۔۔۔27 ستمبر ،2023
متحدہ قومی موومنٹ پاکستان کے سینئر ڈپٹی کنوینر سید مصطفیٰ کمال نے کہا کہ کراچی ساری زبانیں بولنے والوں کا شہر ہے ہم سب کو ایک ساتھ جڑنا ہے، ایک ساتھ جُڑے بغیر ہمارے مسائلِ حل نہیں ہونگے، شہری سندھ کے تمام مظلوموں کو ساتھ مل کر سیاسی جدوجہد کرنا ہوگی۔ ان خیالات کا اظہار انہوں نے  فیڈرل بی ایریا ٹاؤن میں پختون اور بلوچ عمائدین کی ایم کیو ایم پاکستان میں شمولیت کے موقع  گفتگو کرتے ہوئے کیا۔ انہوں نے کہا کہ ایم کیو ایم کے دور میں کراچی دنیا کے 12 تیزی سے ترقی کرنے والے شہروں کی صف میں شامل ہوا تھا اور پیپلز پارٹی کی 15 سالہ بدترین حکمرانی میں کراچی دنیا کے چار بدترین شہروں شامل ہوگیا ہے۔ سید مصطفیٰ کمال نے کہا کہ سندھ پر پچھلے 15 سالوں سے پیپلز پارٹی کی حکومت قائم تھی مگر آج بھی بچے گٹر میں گر کر مر رہے ہیں، شہر کی گلیوں اور سڑکوں پر ڈاکو راج قائم ہے، جن سرکاری اسکولوں سے ڈاکٹر اور انجینئرز نکلتے تھے آج وہاں جانور باندھے جاتے ہیں، دنیا چاند پر جارہے ہیں اور ہم پینے کے پانی تک سے محروم ہیں۔ انہوں نے کہا کہ ایم کیو ایم پاکستان کے دور نظامت میں اللہ تعالیٰ نے کراچی کو ترقی کی راہ پر ڈالا، ہمیں اربوں روپے کے پروجیکٹس ملے مگر ہم نے ایک روپے کی کرپشن نہیں کی بلکہ کراچی میں آخری ترقیاتی کام ہمارے دور نظامت میں ہی ہوئے ہیں جن سے کراچی کا نقشہ بدل گیا تھا۔ سید مصطفیٰ کمال نے ایم کیو ایم پاکستان میں شمولیت اختیار کرنے والے پختون اور بلوچ عمائدین کو خوش آمدید کہتے ہوئے کہا کہ آج ایم کیو ایم پہلے سے زیادہ مضبوط،مستحکم اور  فعال ہے آج ایم کیو ایم  میں تمام زبانیں بولنے شاملِ ہیں، ایم کیو ایم میں شامل ہونے والے ساتھیوں کی ذمہ داری ہے کہ پارٹی کے پیغام کو مزید لوگوں تک پہنچانے اپنا بھرپور کردار ادا کریں۔
***