پاکستان ہاؤس میں پریس کانفرنس سے خطاب

ایم کیو ایم پاکستان جتنی مضبوط ہے اتنی ماضی میں نہیں تھی: مصطفیٰ کمال

 پاکستان بچانا اور چلانا ہے تو کراچی کو اپنے پیروں پر کھڑا کرنا ہوگا

ایم کیو ایم نے ہمیشہ ظلم کیخلاف آواز بلند کی ہے اور کرتی رہے گی، سید مصطفی کمال* 

 اس ملک کو کوئی ایم کیو ایم کے سوا آئی ایم ایف کے قرضے سے  چھٹکارا نہیں دلاسکتا ہے، سید مصطفی کمال 

مرکزی الیکشن آفس پاکستان ہاؤس میں پریس کانفرنس سے خطاب

کراچی ۔۔۔13 اکتوبر 2023

متحدہ قومی موومنٹ پاکستان کے سینئر ڈپٹی کنوینر مصطفیٰ کمال نے کہا کہ اب ایم کیو ایم پاکستان جتنی مضبوط ہے اتنی ماضی میں نہیں تھی، فیصلے اب یہاں ہو رہے ہیں، کوئی فون پر ہدایات نہیں دے رہا اور یہ واحد جماعت ہے جو ملک کو منہگائی کی دلدل سے نکالے گی سنئیر ڈپٹی کنوینر مصطفیٰ کمال نے مرکزی الیکشن آفس پاکستان ہاؤس میں پریس کانفرنس کرتے ہوئے کہا کہ میؤ برادری نے ایم کیو ایم میں شمولیت کا فیصلہ کیا ہے، میں ان تمام افراد کو ایم کیو ایم میں خوش آمدید کہتا ہوں، اس قافلے کی حمایت کرنے پر ان کا شکریہ ادا کرتا ہوں۔اُنہوں نے کہا کہ اپنی آنے والی نسل کی بقا کے لیے کچھ کرنا چاہتے ہیں تو آپ آئیں، شکایات کے علاوہ کچھ کرنا چاہتے ہیں تو تفریق کو چھوڑ کر آئیں، ہم کوئی ایسا فیصلہ نہیں کریں گے کہ آنے والی نسلیں خمیازہ بھگتیں۔انہوں نے کہا کہ ایم کیو ایم الیکشن میں بھرپور حصہ لے گی، طاقت بیلٹ کے ذریعے آئے گی، کوئی اور طریقہ نہیں۔اُنہوں نے کہا کہ ہم انسان ہیں غلطیاں ہوئی ہوں گی اور ہو رہی ہوں گی لیکن  ہم سب سارے بروں سے کم برے ہیں، غلطیاں سدھار رہے ہیں اور آپ کے درمیان رہنے والے لوگ ہیں تو آپ کو تسلی ہونی چاہیے کہ آپ کا ہاتھ ہمارے گریبان تک جا سکتا ہے۔مصطفیٰ کمال نے کہا کہ ہم نے ہمیشہ غریبوں کو ایوانوں میں بھیجا ہے، غریب نوجوانوں کو ہم نے ایم این اے بنایا ہے، ہمارے آبا و اجداد کی قبریں اور اولادیں اسی ملک میں ہیں، ہمیں زمینی حقائق کو مدِ نظر رکھ کر فیصلے کرنے ہیں۔اُنہوں نے کہا کہ ایم کیو ایم کے پاس حرام کا پیسہ نہیں کہ دیگیں چڑھائیں، ہمارے ساتھ کھڑے ہوں آپ دیکھیں گے کہ ایم کیو ایم سب کو نمائندگی دے گی،نے  پیپلز پارٹی کی حکومت پر تنقید کرتے ہوئے کہا کہ اتنے سال سے پیپلز پارٹی کی حکومت ہے جس نے ایک قطرہ پانی نہیں دیا، بلکہ ہمارا پانی چوری کر کے ہمیں ہی بیچا جا رہا ہے، ساڑھے 5 لاکھ افراد کو نوکریاں دیں، ان میں ایک بھی کراچی کا نہیں، 40 فیصد کوٹہ ان کے بڑوں کا رائج کردہ ہے وہ بھی نہیں دیتے۔اُنہوں نے یہ بھی کہا کہ یہ ظلم جنوری کے آخر میں الیکشن میں ریزہ ریزہ کر دیں گے۔اُنہوں نے کہا کہ رابطہ کمیٹی کی اہم میٹنگ شام میں ہوگی جس کا ایجنڈا صرف فلسطین ہے، آج ایم کیو ایم فلسطین کے اوپر اپنے اگلے موقف کا اعلان کرنے جا رہی ہے ،اسلام کلمے کے نام پر یہ ملک بنا ہے ہم کچھ نہیں کر سکتے لیکن ہم آواز ضرور اٹھا سکتے ہیں اس معاملے پر ،ایم کیو ایم نے ہمیشہ ظلم کیخلاف آواز بلند کی ہے اور کرتی رہے گی  اس ملک کو کوئی ایم کیو ایم کے سوا آئی ایم ایف کے قرضے سے  چھٹکارا نہیں دلاسکتا ہے ،کراچی پاکستان کو معاشی بحران سے نکال سکتا ہے آج یہ شہر دنیا کے چار بد ترین شہروں میں شمار ہو رہا ہے پاکستان بچانا اور چلانا ہے تو کراچی کو اپنے پیروں پر کھڑا کرنا ہوگا ،ایاز لطیف پلیجو نے مہاجروں کے حوالے سے بیان خوش آئند عمل ہے ،کراچی سے کشمور تک سندھ کو اپنا صوبہ سمجھتے ہیں ہم نے سندھ کو اپنایا ہے سندھ ہمارا ہے۔