خالد مقبول صدیقی کی ملیر میں ذمہ داران سے گفتگو

ہمیں بھٹو کے پاکستان میں دھکیلا گیا تھا مگر ہم قائد اعظم کا پاکستان واپس لیں گے،ڈاکٹر خالد مقبول صدیقی

ملیر کے کارکنان اور عوام نے کراچی واپس کراچی والوں کے پاس آنے کی نوید سُنا دی ہے،عوام کو مبارک ہو،ڈاکٹر خالد مقبول صدیقی

ڈاکٹر خالد مقبول صدیقی کا نسرین جلیل و اراکین رابطہ کمیٹی کے ہمراہ ملیر ٹاؤن میں ذمہ داران سے گفتگو

کراچی۔۔۔04 اکتوبر 2023ء
متحدہ قومی موومنٹ پاکستان کے کنوینر ڈاکٹر خالد مقبول صدیقی نے سینئر ڈپٹی کنوینر نسرین جلیل کے ہمراہ ملیر ٹاؤن آفس کا دورہ کیا اور کارکنان و ذمہ داران سے ملاقات کرتے ہوئے انہیں یکم اکتوبر کو ملیر ٹاؤن میں ہونے والے کامیاب جلسے کی مبارکباد پیش کی۔اس موقع پر ڈاکٹر خالد مقبول صدیقی نے ذمہ داران سے گفتگو کرتے ہوئے کہا کہ ہمیں بھٹو کے پاکستان میں دھکیلا گیا تھا مگر ہم قائد اعظم کا پاکستان واپس لیں گے،یہ پاکستان ہمارے اجداد نے بنایا تھا یہ ہمارے بغیر چل نہیں سکا۔انہوں نے کہا کہ ملیر کے کارکنان اور عوام نے کراچی واپس کراچی والوں کے پاس آنے کی نوید سُنا دی ہے،کراچی کو لُوٹنے والے پریشان ہیں کہ کراچی کے اصل وارث واپس آگئے ہیں،اب ہم اپنا پورا کراچی واپس لیں گے اور کراچی دشمنوں کی نیندیں اُڑا دیں گے۔ڈاکٹر خالد مقبول صدیقی کا مزید کہنا تھا کہ ملیر والوں کی ہمت ایسی ہے کہ جب دوبارہ تاریخ لکھنا پڑی تو ہم نے ملیر سے آغاز کیا ہے،ملیر کے کارکنان اور حق پرست عوام کو شاباش اور مبارکباد پیش کرتے ہیں۔ اس موقع پر اراکین رابطہ کمیٹی سید امین الحق، ارشاد ظفیر اور اسیہ اسحاق جبکہ سی او سی کے اراکین اور دیگر شعبہ جات کے ذمہ داران بھی موجود تھے۔
***